馬田的黄金歷史循環是預測金市長期走勢(以年計)的方法，對實金投資者尤其實用。近月金價急升再次印證了這個預測法的準確。當下我們正處於私人信心波中後段，隨着時間向頂峰(2032.95)進發，各國人民對政府的信心將會不斷萎縮，為黄金購買力提供堅實的基礎上升動能。
了解當中原理的舊網誌讀者應該知道，推動金價上升的關鍵在循環逆轉(Cycle Inversion)，即是在私人信心波起落過程中，金價沒有跟隨波幅下滑而下跌，反而逆向上升，稱為循環逆轉，每當這種情況出現，金價就會累積動能，於拐點後新一個波浪中大升。
2007.15至2011.45，金價由$683升至$1526，循環逆轉的動能將金價推上$1923，之後踏入4年下跌浪。1998.55至2002.85，金價由$294升至$317的循環逆轉則將金價於4年內推高1倍到$683。我們也剛剛經歷了一個循環逆轉，由2015.75至2020.05，金價由$1119升至$1572，來到半年後的2020年7月末，金價一度高見$1980。這次循環逆轉的上升動能將把金價推到多遠？有可能像1998.55至2002.85循環逆轉後大升1倍嗎？還是像2007.15至2011.45循環逆轉只把金價推高四五成呢？二選一，我落注前一種，金價有可能於2024.35(2024年5月7日)前升至$3000以上。
不過留意，循環的每個波浪之中亦會有若干小循環，看看下圖的小循環，於2024年5月7日前還有2個小拐點，分別是2022年3月14日及2023年4月10日，我初步認為這輪升市有可能於2022年3月14日見一個中期大頂，大調整後再於2023年4月10日拐向上，升至2024年5月7日。實金長期投資者要留意這兩個重要日子。馬田中期或短期預測有時不準，但長期預測不容小覰。2022年3月14日前還會有調整嗎？當然會，但將是上升浪之中的短暫超買技術回調，幅度應該不及2022年3月14日及2023年4月10日。
14 則留言
Joe兄你好
現在金價不會回調，即係想買金現在買也可以?
之前諗住等金價回調一二百蚊，結果沒有回…..錯過了買入時機。
如果預期會升到$3000，現在買入也是一個合適的時機吧?
thanks
如果買實金，可等待回調，畢竟已經連升很多天，月線計也連升四個月了。投資黄金耐性很重要，看的是長遠。
謝謝Joe兄，那我睇定啲先。
2013年睇你的blog買了人生第一粒金，後來因為各種原因冇再買。
現在重新計劃返買金，希望自己KEEP住有錢就買粒金，買到退休。
我已放棄跟Martin Amstrong 個圖預測金銀走勢, 長線持有至2032年就是啦…….
謝Joe 兄！政府波，民間波的圖表再次出現，好熟悉的感覺，時間節點要作參考，
有得食唔食，罪大惡極，
跟這些圖走了十年以上，左參考右參考，有時會迷失及忘卻，然後回看，又發現原來原理一早在眼前。
我還記掛2021的貨幣系統大變革，不知是否推高金四的助燃氣
我由2014年9月開始, 經朋友介紹睇你的網頁, 再成為你的忠實粉絲的.
因為冇乜錢的關係, 個時買了一些銀, 金買得好少.
曾經有想過放左d 銀, 但後來都係放下先. 加上心想冇理由蝕住放.
我會繼續keep 多4年.
謝謝你多年來的意見!
唔識睇馬田幅圖喎，向上又升，向下又升。
記住較重要大日子就得，中間啲上上落落的波動，我覺得唔太實用。
Hi 我又來了 🙂 如果咁樣睇, 係咪即係要等到around 2022,2023 o個2個位先至入手呢?
暫時睇係2022會有個中期小頂出現，調整到2023，再上2024！
Joe 兄你好, 我由18年開始分幾次買入黃金etf, 到而家搵勻計都贏緊差唔多40%。
睇你文章講黎緊睇到2022, 之後2024, 金價有機會去到$3000。如果係你, 你會一路揸住啲貨等到2022年, 定係放咁啲, 賺左袋落袋先?好驚落錯車之後買唔番, 又驚唔賺左先到頭黎又賺少好多…幾時落車都係一個好難既決定😐
其實好睇自己財政狀況！但我覺得個人生活或計劃不要因為任何投資而受阻礙。心大心細就賣一部份吧！令自己從投資回報中獲益也是一種自我打氣，為往後的耐性加油。