勝負左右投資市場|從捐款看美國大選背後的金權角力|拜登施政勢傾向科技巨企

Share on facebook
Share on whatsapp
Share on telegram
Share on email
多間納指上市的科企(紅框)支持拜登。

美國總統選舉表面塵埃落定,但特朗普拒承結果,認為大選舞弊,令政局仍存變數。坊間陰謀論、假新聞、舞弊謠言,網絡上四處流竄,無論真假,最引起思考的是,為甚麼兩方如此歇斯底里地非要在這次大選中勝出不可?

相信他們也明白長期權力內鬥會為國家帶來甚麼傷害。總統任期有限,就算特朗普反敗為勝,最多多做四年,政黨輪替,權力早晚會再落到民主黨,治國大計、政經理想,可等到時實現,急甚麼?

其實不需靠助那些陰謀論及流言、傳聞,也能從今年選舉的兩黨籌款名單窺見端倪。縱觀這份名單,可以看到拜登的資金大比例地拋離特朗普,首位的Alphabet所捐的款項比特朗普首位的美國郵政署多近七倍。幾乎所有在納斯特克上市的科技巨擘,包括蘋果、微軟、面書,都捐款給拜登,沒半點給特朗普。支持特朗普的許多是舊經濟,包括波音、沃爾瑪、聯合航空等。明顯地看到,新舊經濟正透過他們的代理人進行對決。

這種對決其實早已存在,只是,2020年爆發的新冠肺炎令對決更尖銳。拜登及左派主張的抗疫政策,如大規模的封城限聚,明顯更有利科企發展及網絡經濟,甚至能加快碼數貨幣的推進。新冠股災後,支持拜登的公司藉着疫情進一步擴張,吸引更多資本,納指自股災以來已經升超過70%,比年初高位高出30%,但支持特朗普的公司卻仍然受困於疫情,反映他們資本規模的道指至執筆時只剛剛返回家鄉。

這種公開的捐獻是否也反映公開的利益交換、利益輸送?特朗普的反封鎖對舊經濟較有利,拜登倡導的封城限聚則對新經濟,尤其科技巨擘較有利。可以預期的是,當白宮主人的身份確定後,他實施的抗疫政策亦必會回報這些捐獻者。選舉人還未正式投票,拜登的顧問Michael Osterholm已經公開建議全國進行4至6週的封城。

新冠肺炎是一場可一不可再的世紀疫症,對上一次如此大規模的全球疫症已經要數到1918年的西班牙流感,如果不好好地把握機會,擴大資本,吞拼小資本,下個機會可能是百年之後。這可能就是新舊資本非要在這場選戰獲勝的因由。

只是,雙方的爭持卻在不斷地傷害行之有效的美國民主政制。民主政制的確立需要建基於雙方對選舉制度的信任,但郵寄投票引發巨大爭議,誰是誰非,作為外國局外人,我們難以論定。但可以說這場源自中國的疫症正在加速推進美國資本家內部的矛盾。同時突顯了美國聯邦政府與地方政府的對立,因為從捐款中,看到加州政府及大學投放了大量資金給拜登,若特朗普反勝,對立絕對有機會促成一場分離運動。而更危險的是特朗普的捐款名單中有多個軍方部門,包括美國空軍、國防部及軍火商洛克馬丁,特朗普似乎更得軍方支持。

選舉結果將對總統之位確定後的投資市場有長遠影響。拜登當選,施政很大機會向科企傾斜,未來納指將有更亮麗前景,反之就是道指。政局未明,全球科企最大上市集資之一的螞蟻金服忽然被中國政府叫停,或者亦與這場角力有關。可以預計,如果集資成功,集資得來的很大機會有一部份(甚至相當部份)跑到美國,流入科企的口袋。誰主白宮將會決定這筆資金將來的回報,在未有結果下,叫停實屬明智之舉。螞蟻能否上市,還看選戰,還看誰能成為白宮之主。

18 則留言

  1. 美國大選似係兩黨合演既一場「戲」,目標係「引蛇出動」,將多年來既中共既滲透勢力連根拔起。

    1. 所以美國總統選舉只是一場假選舉,毫無民主和公正的成份,以欺騙美國人甚至全球的人? 嘩,真係比北韓重要黑暗,感謝炒家提供資料,美帝果然係人類公敵呀

      1. 做票做得太明顯,而且有晒statistics同証據,我唔認為民主黨會咁愚蠢。

  2. job,之前提及拜登當選,美股會跌,因為佢會加稅,但咁多金主都係科技股老闆,美股真係會大跌,拜登會點做

    1. 要留意:
      1/ 拜登尚未當選,最起碼要等12月14-23日選舉人投票有結果
      2/馬田認為如果拜登勝,短線會下跌(但不會很劇烈),這是他看法,不是他電腦預測。

      你說的對,背後有如此多科技巨企,所以如果Biden入主白宮,政策會傾斜,我暫時看法:trump勝買道指,Biden勝買納指。當然,長線,一切要到12月31日年結收市才能決定2022年會是高位或低位。

    1. 期貨黃金上星期一出現大成交陰燭,從技術分析去睇,金銀理應處於弱勢。不過奇怪既係,期貨黃金連續幾個星期出現倒價現象,現貨金比期貨金高出1-2美元,呢個現象說明有人不斷搶買實貨。從基本面去睇,疫苗面世唔會改變超級通脹既命運,金銀基本面冇改變,疫苗面世令金銀下跌係唔合理既,唔排除而家係莊家壓期貨買現貨。

          1. 向上。壓價操盤只能維持短線,12月交割始終要有實貨,到時價格就會回歸基本面。

  3. 以20年月線圖看, 黃金正在形成一個 Cup and Handle 形態
    以黃金為例, 一般右側Handle以低斜度調整, 幅度約20%, 時間約4-6個月為佳
    參考david brady的分析, 1750-1670 應是調整底部區間, 明年第一季應是入貨的黃金時間

  4. 點解釋科技財閥多數支持Biden? 分析如下:

    美國立國240幾年,卻喺近150年就步入咗兩黨政治既指定AB餐模式,唔信? 可以上網去查吓歷介美國總統列表,睇佢哋政黨背景就一清二楚.

    今日指既科技巨頭,係指近代急速冒起既互聯網相關公司,唔係指飛機製造、電話公司之類呢啲存在已久既巨企. 呢類新興科技巨頭歷史短得由2000年前後才出現,卻短短廿年間登上美國財富之頂級,就稱佢哋為新經濟財閥吧.

    呢班握有資訊新科技既財閥發蹟史只有廿年時間,而美國步入兩黨專政模式卻已經有150年之久,你覺得舊經濟財閥 (例如 軍火商、華爾街銀行樂家、藥廠及醫療集團、石油資源商) 於兩黨政治秩序中既勢力大,還是公元2000年後才冒起既科技巨頭 (google、apple、microsoft)對政壇影響力大?

    我會合理地相信,舊經濟財閥對美國兩個壟斷政黨有無可比擬既控制力,不境佢哋勢力存在時間長,有過百年時間去灑政治獻金,按插利益代言人於兩黨,去保護既得利益,而兩黨受助於呢傳統財閥既資助,才能建立佢哋今日延續超過百年既政壇壟斷. 一個互惠共生既利益關係.

    即使新進既科技財閥如何廿年間財力滔天,但政壇人脈關係與利益捆綁係需要時間去營造,而只有廿年冒起史既科技財閥唔缺錢,缺既就係經營政經人脈所必需既時間.

    眼前事實表明,美國兩黨都係明顯傾向保護傳統財閥利益,都唔洗數鎮壓佔領華爾街、拖拉數十年既切實禁槍,呢啲咁老土例孑,就睇美國國會時常大義凜然講 “阻止壟斷”,去調查及威脅將google強制拆骨,美國政權真係咁痛恨財閥壟斷嗎? 用作指控google 、Amazon 既壟斷罪名,放諸洛歇lockheed幾大軍大商唔係同樣適用嗎? 華爾街goldman一衆金融海盗,與石油商又無市場壟斷性地位咩? 何解美國國會唔襯早將呢班傳統財閥們既公司拆骨呢?

    可見舊經濟勢力跟新經濟勢力比較,於美國政壇上依然有極強控制力. 但人有錢就唔會安份,新經濟財閥必定、必要用獻金打入兩黨,去尋求跟舊經濟財閥睇齊既政治保護,佢哋明顯睇中Biden,由joe兄嗰張政治獻金列表已經表明一齊.

    喺金權政治下,美國既兩黨政治模式,其實只係財閥們轄下既一黨兩派吧了.

    1. 金權政治有金權政治嘅衰
      獨裁政治又有獨裁政治嘅衰
      不能因為覺得美國 “沒有”一人一票民主(19年前都唔可以咁講。今日仆街左媒當道。好似真係冇乜了)
      而瘋狂批評。
      世上沒有東西是完美,你只能從不完美中兩害取其輕。
      我係一個活係現實生活中的凡人,並不是政治學博士,比我揀,我就跟九千萬人一樣,用腳投票,揀美帝!無論佢有幾多個政黨,我只要不會因為發表言論被消失,不用翻牆,不用過口是心非的生活。

      Dominion有幾假,睇左媒梗係唔會話你聽。正如而家都冇邊個media會報獵人吸毒亂倫雜交嘅新聞。newsmax可能係例外。

  5. 傳統財閥們亦會傾向抵制新進既資訊財閥插手既有既政治秩序. 但新財閥們已經成功 “入股” 民主黨,而舊財閥們就 “注資” 傻侵既共和黨去抗拒新財閥.

    其實最無所謂就係共和黨與民主黨,佢哋兩黨講到底都只係受薪既政治演員,新舊財閥集團互片,結果誰勝都好,依然會通過佢哋兩黨去控制美國,吸血全球,當然,現在己方直資股東股東勝出的話,自己馬上有政府職位分餅仔,係即時bonus.

  6. 謝keynes解說,同意!立國初期或者未必是這樣,傑克遜總統必曾經致力打擊銀行家,取消其發鈔權,任內一度還清所有國債,他後來成為第一位被刺殺(沒有成功)的總統。

發佈留言

發佈留言必須填寫的電子郵件地址不會公開。

The maximum upload file size: 512 MB. You can upload: image, audio, video, document, spreadsheet, interactive, text, archive, code, other. Links to YouTube, Facebook, Twitter and other services inserted in the comment text will be automatically embedded. Drop file here

統計
  • 1
  • 755,372
  • 273,263